احذروا الفتنة ولا تشاركوا فيها بنشر منشورات تنشر الكراهية بخصوص رجل الدين المسيحي! 

فالتريند يتم تجهيزه الان على قدم وساق لنشر الكراهية بين المصريين!

المسيحيون يفعلون الخير مع المسلمين دائما وابدا وليس هذا سبب إيقاف الرجل!

 في ست مصرية طيبة بتبيع مناديل وهي مسلمة وده معروف للجميع وكنا في رمضان وفي العشر الآواخر فوقفت علشان اديها اللي فيه النصيب وتصادف أن في بنت سبقتني للست وبعدها وقف شاب فخدت بالي من البنت وهيا بتدي الست اللي فيه النصيب إن الصليب في إيديها وبعدها الشاب وبرضه شوفت أيده فيها الصليب وحط في أيد الست عشرين جنيه ثم مضى كل واحد منا لحال سبيله دي لحظة عفوية تبين حقيقة المصريين مفيش فرق بين مسلم ومسيحي .

ودائما بتجيلي أسئلة هل يجوز أعطي صدقتي أو زكاتي لحد مسيحي والجواب طبعا يجوز وده دليل على إن المسلمين كمان بيعملوا كده بحب مع جيرانهم ومعارفهم والناس اللي بتشتغل معاهم . 

مصر غير أي بلد في العالم مش هينفع معاها فتن بإذن الله. 

ولكن جماعات الشر عاوزه تولع أي حريقة في مصر خليك واعي ولا تشارك جماعات الشر مخططاتهم .