هل هي زيارتك الأولي ؟دليل الزيارة الأولي

آخر الموثقات

  • لحم معيز - الجزء الرابع | 2024-07-14
  • يا انسان | 2021-11-20
  • خوان باولو | 2024-07-15
  • عبادة الذات وعبادة اللذات | 2024-07-15
  • صاحب أول معجم طبي لغوي في التاريخ | 2024-07-15
  • علاقة دواء vildagliptin بمرض BP لمريض سكري | 2024-07-14
  • صياد | 2024-07-14
  • لم كل هذا الكم من الحقد و الغل و الكراهيه !!!! | 2024-07-14
  • سبانخ بمرقِ اللحم | 2024-07-13
  • هل هو / هي راضي عن نفسه ؟ | 2024-07-14
  • هل أنتَ كاتب؟ | 2024-07-14
  • مقارنة بين الفنان علاء مرسي و الشيخ الغزالي .. من حيث : قاسم أمين | 2024-07-13
  • كرامات الحب | 2024-07-13
  • لقلبيٍ سلمي  | 2024-07-13
  • ماذا تعرف عن الكمال بن يونس  | 2024-07-13
  • ليهدأ الليل | 2024-01-26
  • في قلبي حزن | 2024-07-13
  • حساء الدجاج بلسانِ العُصفور | 2024-07-12
  • ما أغبانا حين نعتقد أن في العمر متسعا ! | 2024-07-13
  • للناس في حياتنا؛ مواقع | 2024-07-13
  1. الرئيسية
  2. مدونة سارة سعيد
  3. أحب أعرفكوا على مصر (قصيدة شعر)

عايزة رأى كل واحد يدخل لو سمحتوا لأن القصيدة دى من اللى أنا هدخل بيهم المسابقة ومتوترة جدا وعايزة أسمع أرائكم بس بصراحة ولو حسيتوا إن فى قافية عايزة تتظبط لو سمحتم تقولوا ومش عايزة مجاملات
___________________________________
ياللى متعرفوش مصر
أحب أعرفكوا على مصر
بلد العزة
بلد النصر
بلد الخير
اللى ملوش
حصر
تعالى بينا نروح على اسكندرية
كل ركن يشهد على الحضارة اليونانية
ايووه على بحرك وعلى المراكبية
ياعينى على أبريق طالل من المشربية
ما تيجى ناخد هنا صورة تذكارية
ياسلام على اسكندرانية بملاية لف
لو شوفتها تضرب مية كف
وتخطف قلبك معاه خطف
وتدور وراها وتلف لف
*******
تعالى نروح على بور سعيد
فيها جدعنة وفيها خير مديد
ياسلام على أبو العربى وحمو وسعيد
ده عمرهم ما كانوا للذل عبيد
ده فيها مات ألف شهيد
*******
يالا بينا على أسوان
المنظر ايه ياعينى جنان
جنة ياسيدى من الخلدان
شوفت السد اللى هناك
ده بقى ياسيدى سد أسوان
أما ده يبقى دير النبى سمعان
واللى هناك ده مقياس النيل
شوفت إزاى المنظر جميل
******
يالا نروح على خان الخليلى
هتشوف منظر بس أدعيلى
هتلاقى هنا كل الحاجات
من صوانى وتحف وأكسسورات
مد أيديك وأقول هات
لأ ياسيدى ده أنا عزمك
ده أنت فى مصر الله يعزك
مسمعتش عن كرم المصريين
ده فى كل مكان بيه معروفين
وكمان ألفوا عنه أبيات
*******
يالا بينا على المنصورة
ده أحلى مية مرة من الصورة
يالا نقعد على قهوة ونلعب فورة
ياسلام عليها شوية بنات
بضحكة واحدة من الغمزات
ما تعرف تنام ولا تبات
ما هما من أصل فرنسيات
بس فيهم دم المصري الشربات
********
يالا ع الشرقية نروح مشوار
هتحس كأنك من أهل الدار
ياما اتخرج منها كبار
ده حليم وثومة وطلب
وعرابى كان م الأحرار
دخل عابدين بحصانه
ولا خاف من جبروت جبار
لأ استنى المشوار طويل
شوفت الخيل ده عربى أصيل
وممكن تاخده ليك خليل
وعمره ما ينكر يوم جِميل
*******
يلا بينا على الفيوم
يلا بسرعة يلا قوم
تعالى شوف القناطر الخيرية
فسحة حلوة فسحة هنية
وضحكة حلوة من اللى هى
وهتشوف فيها محامى طبيعية
نطلع بقى على السبع سواقى
دى أحلى المزارات السياحية
أما دى بقى بحيرة قارون
بنظرة لها تخطف العيون
ولا تعرف تغمض الجفون
أصل أنا بيها أوى مفتون
*******
يلا بينا على الزمالك
ياسلام عليكى ياجمالك
ايه بس ياعم مالك
ده أنت لسه هيتغير حالك
يالا ياسيدى على بنت المعز
قوم اتفرج شوف وبص
ياسلام على مركب فى النيل
قول ايه رأيك بقى ياجميل
يلا نتمشى على الكورنيش
ناكل درة وفشار وقراقيش
ولا تحب تلبس طرابيش
استنى ياسيدى ليه مستعجل
لسه هتشوف لسه هتتبرجل
ده البرج
وده الأهرامات
ودى القلعة
ودى البزارات
يلا نطلع على الموسكى وشبرا
والأزهر وكوبرى القبة
تحب تتعرف اكتر على مصر
دى مأذنها ودى كنائسها
شايف طيبة وبشاشة ناسها
فى كل مكان تقدر تلمسها
ولا حد فى الدنيا يقدر ينافسها
تحب تشرب عرق سوس
وتمر وقمر الدين
ده حبى لمصر مرسوم
وواضح ع الجبين
يابلدى كل حاجة فيكى حلوة
وكل حتة تستاهل غنوة
ولو قلت فيكى هحتاج شهور
ياصافية زى البلور
ياجنة من الزهور
عمرى ما هلاقى زيك
مهما
ألف ومهما أدور

التعليقات علي الموضوع
لا تعليقات
المتواجدون حالياً

700 زائر، ولايوجد أعضاء داخل الموقع