هل هي زيارتك الأولي ؟دليل الزيارة الأولي

آخر الموثقات

  • مقارنة بين الفنان علاء مرسي و الشيخ الغزالي .. من حيث : قاسم أمين | 2024-07-13
  • كرامات الحب | 2024-07-13
  • لقلبيٍ سلمي  | 2024-07-13
  • ماذا تعرف عن الكمال بن يونس  | 2024-07-13
  • ليهدأ الليل | 2024-01-26
  • في قلبي حزن | 2024-07-13
  • حساء الدجاج بلسانِ العُصفور | 2024-07-12
  • ما أغبانا حين نعتقد أن في العمر متسعا ! | 2024-07-13
  • للناس في حياتنا؛ مواقع | 2024-07-13
  • جنّة وشهد والدموع | 2024-07-13
  • باختصار مضى يومان | 2024-01-25
  • لا تسمعوا لهذا المرجف | 2024-07-13
  • التحريف العاطفي للتاريخ | 2024-07-12
  • المتحفظ عليه الذي تحل علينا ذكراه | 2024-07-05
  • الرجل الذي لا يحب العقاد | 2024-07-07
  • احذروا أبناءكم الجهلة | 2024-07-05
  • احترموا مشاعر الناس | 2024-06-25
  • حينما نصح أنيس تلميذه: إياك وثوابت الدين | 2024-06-20
  • أبناء الأفاعي يشمتون في الشعراوي | 2024-06-19
  • يا نور الله  | 2024-01-23
  1. الرئيسية
  2. مدونة رانيا ثروت
  3. قلب على مقاس أحزانك

في قلب على مقاس أحزانك
في روح حتطبطب وتواسي
طب ليه بتضيع أوقاتك
مع قلب باعك وعامل ناسي ؟!

في لسه مكان مشتاق لخطاك
وحكاوي لسه حتتعاش
وحتسعد باللي في ايدك
ليه تشغل بالك باللي مجاش

في لسه حنين لذكرى أصيلة
في مشاهد حلوة مش سايباك
لناس فارقوا بجسدهم
وصورتهم حية وجميلة
عمرها أبدا ما تموت جواك

في فرحة حتعرفها كويس
لما خطاك تتمد طريق
لما هتلقاك..

القصة ما خلصتش يا صاحبي
من لما كنت بتحبي
ولحد الشيب
حتلاقي ألف قريب وحبيب
وتفارق مليون كداب وغريب
وماحيبقى لنفسك غير نفسك
وشوية أحباب ع الماشي
الفرحة نصيبك ومقاسك
جايالك ...بس أنت تواسي

كل اللي في قلبه جراح بايتة
كل اللي في عينه ألم و دموع
كل اللي قال بكرة حتفرج
والزفرة تهد جبال م الجوع
كل اللي اتحامى في دارك
كل اللي حيعرف مقدارك

اليد الخضرا يا صاحبي
عمرها ما تروح خسرانة
مهما الدنيا كانت بايخة
مليانة بكلاب سعرانة
الفرحة أهي هناك جيالك
تتهنى بنفسك وعيالك

واحدة واحدة يا خطاوي
الألفين ميل يعدوا قوام
والحلم حيبقى لنا حقيقة
ولا في انتظار
ولا في أوهام

الحزن حيزهق ويروح
والضحكة تنور حواليك
سلمها لله وحتسلم
عمره أبدا مايسيبك
ولا يرضى الخوف يبقى نصيبك
ولا حزن الدنيا يقضي عليك

سلمها يا صاحبي كده لله
ظلم الدنيا عمره مايقدر
على عبد القادر جل علاه
ربك حنان وبيستر
اللي ستر عبد لوجه الله

رانيا ثروت

التعليقات علي الموضوع
لا تعليقات
المتواجدون حالياً

895 زائر، ولايوجد أعضاء داخل الموقع