من دفتر رانيا ????

بمناسبة حادثة فندق ويندسور بالاس الأخيرة ????

تذكرت ذات ليلة من حوالي تلات سنوات لما طقت في دماغي أنا وولدي مصطفى شريكي في كل المصايب والمغامرات الليلية 

أن نصعد إلى روف ويندسور بالاس ونستمتع بالڤيو في ليلة صيفية حالمة ????

وكما تعلمون أعزكم الله نية أختكم البريئة في الجلوس واحتساء القهوة على مهل مع قطعة الفادچ والنظر لجمال الإسكندرية ليلا وخلاص.

ووقتها كنت أكلبظ من كده بكتيير لأسباب يطول شرحها وبذكر ذلك لأن ده له لزمة في اللي ححكي لكم عليه.. 

المهم توجهنا للمدخل وسألونا رايحين فين بالضبط طبعا وبكل ثقة قلت لهم ال sky roof ???? فالناس تتنح ويقولوا لي حضرتك متأكدة أكرر بكل ثقة طبعا .

يقولوا طيب...وبعدين عديت تاني بموظفين الريسبشن برضه سألوني فين بالظبط وأنا أجاوب نفس الإجابة بكل ثبات ????

طلعنا في الأسانسير الحديدي القديم ورغم إني بحبه إلا إني لاحظت إن أبواب الغرف والكوريدورات مقبضة وطاقتها سيئة جدا وكأننا دخلنا فترة زمنية أخرى.

وما زاد الطين بلة إن الأسانسير ريح ثم وقف عند الدور الرابع تقريبا لوحده????.

 وبعدين كمل طبعا أنا ومصطفى ميتين من الضحك واحنا بنتذكر كل أفلام الرعب ????????

المهم وصلنا بحمد الله لصالون ال Blue harbour 

وده كافيه وريستوران لطيف وهو ده اللي كنت عايزة فعليا أروحه طمعا في الڤيو والحالة... وكنت فاكرة إنه آخر دور وإن هو ال sky roof ????

المهم الناس تسألني وأنا مصرة على الإجابة وطبعا مع وزني وحجابي ومصطفى وأنا خالتي الحاجة في نفسي كده ماينفعش خاااالص أطلع ال sky roof ????????

وهم يقولوا لي متأكدة أقولهم أيوة ????????

(اللي هو متأكدة يا حاجة ???? متأكدة يا ابني جك ضربة في معاميعك ????????)

المهم الرجل كان بيضرب كف على كف حرفيا ????????

المهم كان في حفلة ودفعنا حاجة زي تأمين أو تذكرة مبلغ كبير وطلعنا و يادوب وصلت لآخر السلم رجعت تاني وأنا بادألج حرفيا ???????? وأنا بقوله مش ده مش ده ووشي أحمر وبشر عرق والرجل ميت على نفسه من الضحك ???????? 

قلت له في روف على البحر بسور ازاز قالي يبقى حضرتك عايزة البلو هاربور قلت له المهم مش اللي فوق ده ????????

وفعلا دخلت البلو هاربور وأنا ومصطفى ميتين من الضحك والناس كانت لطيفة معانا واحتسينا القهوة على مهل مع مشاهدة ليل الإسكندرية الساحر

وواحنا نازلين الأسانسير ريح عند نفس الدور لوحده ???????????? وحلفنا إنها مش حتتكرر تاني. ????????