في رأيي معظم الإعلام في العالم، سواء في شكل مسلسلات أو أفلام أو اغاني ، فيديو كليب أو ساوند أو "عروض أزياء" بقى عبارة عن ترويج للدعارة، وإن كان ده فج في الاعلام الغربي لكن احنا كعرب بقينا ماشيين على نفس السكة ، وراهم بس بشوية، كمية التلميحات الجنسية من خلال الكلمات والمشاهد والايحاءات مش ممكن، كإن الإنسان بقى مجرد سلعة، مش عقل وروح وكيان، لدرجة أني بقيت اشكك في المادة اللي بتتقدم ، ايه اللي جه قبل ايه، يا ترى القصة والحبكة وبعدين المحتوى الإ.باحي والترويج لل.خمور والكبائر ولا الأصل هو المحتوى الإ.باحي وبعدين بنوا عليه قصة وحبكة وغلفوه بشوية تمثيل على أساس أنه فن وكده، متهيألي اسلم طريقة لتربية الأطفال هو أننا نطفي التليفزيونات ونقطع سلك النت عشان الفج.ور بقى زي الفيروس موجود في كل حتة بكل الأشكال!