قواعد الحياة المريحة

١- الواطى هيفضل طول عمره واطى والجدع جدع.. مهما عملت

٢- الدنيا مابتقفش على حد وبالتالى مش هتقف عليك.. فبلاش الثقة الزايدة

٣- ماحدش فاضى لحد.. شوف حالك

٤- اليوم اللى بيروح مش بيرجع تانى والحياه بنعيشها مرة واحدة.. انبسط

٥- انت اللى بتصنع السعادة لنفسك.. لو استنتها من غيرك غالبا مش هتشوفها

٦- الدنيا مفيهاش مكان للضعفاء.. هتضعف هتتاكل

٧- البكاء على اللبن المسكوب مش هيرجعه للكوباية.. ركز ازاى تملاها تانى

 ٨- الواحد مابيتعلمش ببلاش.. المهم يتعلم

٩- عادى جدا انك تغلط.. اللى مش عادى انك تكرر نفس الغلط مرتين

١٠- ماحدش بيتغير.. ماتحاولش تغير حد ياتتقبله زى ماهو ياتخلع

١١- كلمة واحدة تحيى وكلمة تموت.. اختار الفاظك

١٢- ربنا خلق لنا ودنين عشان نسمع بواحدة ونخرج من التانية.. كبر دماغك

١٣- الاختلاف فن وثقافة.. لو الاتنين مش عندك خلى رأيك لنفسك

١٤- فيه ناس مجرد وجودهم مصدر سعادة.. لو موجودين ف حياتك امسك فيهم

١٥- اتصالح مع نفسك هتلاقى كل حياتك اتصالحت معاك

١٦- الضحكة مش بفلوس وكمان هتاخد عليها صدقة

١٧- الناس اللى مضايقينك اعملهم بلوك واللى مش فارقين معاك تجاهلهم تماما

١٨- كل واشرب والبس واعمل الحاجة اللى تعجبك مش اللى تعجب الناس

١٩- الفشل مش نهاية الدنيا.. النجاح عادة مابيجيش غير بعد فشل

٢٠- سر من اسرار النجاح انك ماتشوفش اى حاجة غير هدفك

٢١- مش كل الناس هيحبوك.. مش مهم.. المهم انت بتحب مين