القلب إن هان صاحبه بلاه
أنشف كده وأجمد وأتعود
إن البوصلة لقلبك هي
السندة على حيطة الله
بكرامة...زي ماخلقك
أوعى تطاطي أو تتساق
إلا في طاعته وجوه حماه
قلبك فرسك وجامح جدا
عايز عزم فوارس جامد
ولجامه عقلك وكرامتك
مهما حيوجع خليك صامد
كسر القلب أصعب من ربطه
و إن هان مرة حيبقى سبيل
خد بالك قلبك ده أمانتك
لطريق ربك خير دليل
حافظ بس أنت على سلامته
وداويه بالذكر لو يبقى عليل
سلامته طريق للجنة في آخرة
وفي الدنيا هيبتك وعلاه
سلم قلبك بس لربك
وللي يصونه
ويحفظ هيبته
ويخاف فيك وفيه الله
رانيا ثروت