بسم الله الرحمن الرحيم
بعد حمد الله والثناء علية والصلاة والسلام على افضل الرسل وخاتم الانام سيدنا محمد وعلى اله وصحبة الكرام
اما بعد
اخوتى واخواتى الافاضل فى المملكة
بعد حصولى على اول وسام(وان شاء الله ميكونش الاخير.؟؟)
وفى مفاجأة غير متوقعة (زى فوز مصر على ايطاليا بطل العالم كدة.... بس ميحصليش اللى حصل بعد كدة )
حصلت والحمد لله على وسام العضو المميز(مش عارف فى اية بالظبط..!!)
المهم ( دة انا رغاى خالص)
حبيت احكى حكاياتى بالمناسبة دى مع تاميكوم وازاى اشتركت و...شاركت (اية الفرق؟؟)
(دة بعد اذنكم يعنى) ويا ريت لو كل واحد يحكيلنا حكايتة برضو (ذى مانا مهحكى)
نبتدى منين الحكاية (بحب الحكايات جدا)
دة فعلا اول منتدى اشارك فية
انا طبع مشترك فى منتديات كتير (يجى كدة عشرين ثلاتين ..مش فاكر كام بالضبط)
وطبعا كنت مضطر اشترك ........لية بقى؟
بكون محتاج معلومة معينة بالاقيها فى المنتدى وطبعا الرابط للمشتركين فقط وسجل(واذا كان عاجبك)
طبعا لازم اسجل و(انا هطق)
وبعد ماخد اللى عايزة (خالتى وخالتك واتفرقو الخالات......وبشارك دايما بالاسم دة ahmedz777
مش عارف لية اهية مرة جات معايا كدة وعلشان متوهش لو اضططرت ارجع لاى منتدى تانى ومحتاج اى معلومة (بتحصل) ... وبصراحة متضايق جدا انى مشترك بالاسم الطويل دة فى تاميكوم
(مكونتش متوقع انى هشارك كالعادة.)
طيب مدخلناش فى الموضوع (ياه رغاى قوى)
انا دخلت المنتدى دة اول مرة من يجى كدة ست سبع شهور(اقل او اكثر كثيرا ...كان شكلة كدة غيرة كدة خالص (معجبنيش خالص)
تقدرو تقولو كنت تايه ..فعلا مش عارف او مش متذكر بالضبط كنت بادور على اية المهم وصلت فى الاخر لتاميكوم(من موقع لموقع لغاية باب المملكة)
لا عجبتنى الفكرة ولا شغلت بالى( اية تاميكوم دى..ناس فاضية(اسف دة كان رأيى وقتها ))
كنت مشرك باميل تانى غير الاميل المشترك بية حاليا
كانت بتجينى رسائل كتير(ولا فى دماغى)
وجاتنى رسالة ان المنتدى اتغير وبقالة شكل جديد ..المهم انى اشتركت برضو ..بالاميل الحالى اللى انا مشترك بية حاليا....وفضلت تاجى الرسائل تانى ( ولا انا هنا..مش فاضى. مش فاضى)
لغاية الرسالة بتاعت(اهدى ثلاث وردات..)
عجبتنى الفكرة وكتبت مشاركة ملخصها(انى بهدى الوردات للناس الكويسة كلها)
وفوجئت بمن يهدينى وردة( رفيف )
فما كان منى الا ان ارد الهدية
وتوالت المشاركات
باختصار وعلشان مطولش عليكم( يانهار اسود اكتر من كدة.!!)
ربما ساعدنى فى الفترة المنقضية تفرغى نوعا ما على المشاركة والتى اعتبرها قليلة فى المنتدى
ولكن لا اضمن ها فيما هو قادم من الاوقات
ارجو ان اقرأ حكاية كل المواطنين فى المملكة (براحتكم ..)
وارجو ان لا يكون اصاب نفوسكم السأم من كثرة كلامى
الشكر للجميع