حلم رأيته لن اقصه

حلم رأيته لن اقصه لانه غير مهم ولا علاقة له بالقصة التى ساحكيها سوى أنه فى آخر مشهد منه كنت أقف بجوار المسجد وكان هناك كشك بجوار المسجد ..ولكن فى الواقع لا يوجد كشك فى هذا المكان بل بياع خضار! ولكنى عندما استيقظت تذكرت أنه زمان كان فعلاً فيه كشك فالمكان ده أنا لا أعرف متى اختفى الكشك ولكنى اتذكر متى بدأ ربنا كنت فاعدادى أو ابتدائى وقتها صاحب الكشك كان اسمه( محمد عيسى) رجل عجوز وقتها يقولون إنه عاش عمره كله فمصر اى فى وجه بحرى ثم عاد ليستقر فالبلد اخيرا فبنى أو بنى له هذا الكشك ليسترزق منه وأتذكر جيدا يوم الافتتاح لأن الإقبال عليه كان تاريخى وخاصة من الأطفال والاصغر سنا ..ليه؟.. لأن كان يبيع شيئا ما غالباً كان لبان أو شيئاً كهذا بنصف سعره يعنى الواحده ب 10قروش (اسعار وقتها) يبيعها ب 5فقط وديه كانت سابقة محدش عملها أو افكر فيها وقتها وانا مكنتش فاهم هوه بيبيع بخسارة ليه؟ انا معرفش دى كانت فكرته ولا فكرة حد تبعه.. المهم العيال فضلت رايحه جاى عليه والعلبة تخلص تسلم العلبة ومحدش كان بيبيع غيره يومها طبعا العرض ده لم يستمر ولكن الإقبال على الكشك إستمر والفكرة التسويقية السابقة لعصرها اتت ثمارها والخسارة اللى كانت محيرانى كانت ضريبة صغيره لمكسب أكبر مستمر ..محمد عيسى الله يرحمه والكشك اختفى منذ زمن لا أعلمه.. ولولا الحلم الذى لا علاقة له نهائيا به ما تذكرته..الله يرحم محمد عيسى ويغفر له ويسكنه فسيح جناته.